Хитой коррупцияга қарши қандай курашган ва курашяпти?

2012 йилнинг охирида Хитой Коммунистик партияси номақбул иш усулларига қарши курашиш мақсадида давлат хизматчилари ёд олиши ва сўзсиз амал қилишлари керак бўлган "Саккиз банддан иборат қоидалар"ни қабул қилган эди.

1. Тантанаворлик ва расмиятчиликдан тўла воз кечиш . Яъни дабдабали байрамлар, қизил йўлакчалар, гуллар, қўшиқлар, қарсаклар садоси остида халқ билан учрашувлар ташкил этиш, тош қўйиш, анжуманларда иштирок этиш, очилиш маросимида ленталарни кесиш ва ҳоказолар.

2️. Чет элларга саёҳатларни камайтириш.

3. Ўринбосарлар ҳамда раҳбарларга доимий ҳамроҳлик қилувчи ёрдамчилар штатини қисқартириш.

4️. Ҳужжатларни оддий фуқаролар тушунадиган тилда ёзиш.

5. Йўлларни, кортежлар ўтиши учун катта кўчаларни тўсиб қўйишдан воз кечиш.

6️. Ортиқча реклама ва тарғиботлардан воз кечиш. Янгиликларда ва телекўрсатувларда фақат ўта зарур бўлгандагина кўриниш.

7️. Автобиографиялар, мақтовларга тўла китоблар ва бошқаларни нашр этишдан воз кечиш.

8️. Тежамкорлик яъни, машина, квартира, қимматбаҳо буюмлар сотиб олиш, туристик саёҳатлар ва бошқалардан воз кечиш.