Энди ёшларни қувватлаш кун тартибидан тушмайди!
Ёшларга мўлжалланган навбатдаги ташаббус – илм-фан, спорт, санъат ва маданият йўналишларида ташкил этилган олти ойгача бўлган ўқув курсларидир... ушбу дастур орқали минглаб ёшларга ўз орзулари сари бир қадам ташлаш имкони берилмоқда.
Яъни дастур “Камбағал оилалар реестри”га киритилган 14 ёшдан 30 ёшгача бўлган йигит-қизлар учун мўлжалланган бўлиб, улар ҳар ойда базавий ҳисоблаш миқдорининг бир бараваригача миқдорда моддий қўллаб-қувватланади. Энг муҳими, бу ёрдам тўғридан-тўғри ўқув марказларига йўналтирилади ва ёшлар ўзлари танлаган йўналишда бепул таълим олиш имкониятига эга бўладилар.
Қуйидаги рақамлар эса бу реал натижаларга йўл очганини кўрсатаяпти: айни пайтда 8 мингдан ортиқ ёшлар ариза топширган бўлса, шулардан 6 608 нафари тасдиқланган, 4 598 нафари эса аллақачон ёрдамдан фойдаланган. Бу кўрсаткичлар ҳар бир йигит-қиз учун янги ҳаёт эшигини очилганини англатади – кимдир актёрлик сирларини ўрганаётган бўлса, яна бири спорт билан шуғулланяпти.
“Сафарбарлик чақируви резервидаги хизматни ўташ бадали”дан юборилган жами аризалар эса 14 216 та бўлиб, 11949 таси тасдиқланган, 8555 тасига ёрдам кўрсатилган.
Хулоса қилиб шуни айтиш жоизки, бугунга келиб, ҳар бир ёшни эшитиш, унга ишонч билдириш, етакчи сифатида шакллантириш жамиятимиз олдидаги энг катта масъулиятдир. Чунки кучли ёшлар — кучли жамиятни барпо этади. Кучли жамият эса барқарор, тараққиётга интилган, фаровон давлатнинг пойдеворидир.
Нодирбек МУРОДОВ,
Ёшлар парламенти раиси ўринбосари
